សៀវភៅភាសាចិនសម្រាប់ការសិក្សាដោយខ្លួនឯង
$3.50
🍩 #THEDONUTKING 🍩
តើមាននរណាខ្លះស្គាល់ស្តេចនំដូណាត់? ហើយមាននរណាខ្លះដឹងថាស្តេចនំដូណាត់រូបនេះជាជនជាតិខ្មែរ?
សូម្បីតែខ្ញុំក៏មិនដឹងដូចគ្នា រហូតដល់ខ្ញុំបានអានសៀវភៅមួយក្បាលនេះ! សៀវភៅដែលខ្ញុំអានកាលនោះ ជាភាសាអង់គ្លេស ហើយខ្ញុំតែងតែសង្ឃឹមថាថ្ងៃណាមួយ នឹងមានបោះពុម្ពជាភាសាខ្មែរ ដើម្បីយុវជនខ្មែរភាគច្រើនបានអាន និងដឹងពីរឿងរ៉ាវដ៏ល្អមួយនេះ។ អ្វីដែលមិននឹកស្មានដល់ គឺការរំពឹងទុកបានក្លាយជាការពិត ដោយសៀវភៅស្តេចនំដូណាត់បានប្រែសម្រួលជាភាសាខ្មែរ និងបោះពុម្ពផ្សាយក្នុងពេលឆាប់ៗនេះដោយគ្រឹះស្ថានបោះពុម្ព "សៀវភៅជីវិត" !!
#សៀវភៅនេះនិយាយពីអី? 🤔
The Donut King ជាសៀវភៅជីវប្រវត្តិ (Biography) ដែលសរសេរជាភាសាអង់គ្លេស រៀបរាប់ពីជីវិតជនជាតិខ្មែរ សញ្ជាតិអាមេរិកម្នាក់ដែលមានឈ្មោះថា តឹក ង៉ូយ ជាអង់គ្លេស ហៅថា Ted Ngoy ទៅវិញ។ គាត់ជាបុរសម្នាក់ដែលបានកែប្រែប្រវត្តិសាស្រ្តថ្មីនៃនំដូណាត់ ក្នុងទឹកដីសហរដ្ឋអាមេរិក ឱ្យប្រែពីនំដែលធ្វើដោយជនជាតិអាមេរិក ទៅជានំដែលធ្វើដោយស្នាដៃជនជាតិខ្មែរជាច្រើននាក់ រហូតដណ្តើមបាននូវទីផ្សារយ៉ាងធំដល់ជនជាតិខ្មែរដែលរស់នៅទីនោះមកដល់បច្ចុប្បន្ន ដូច្នេះហើយទើបគាត់ត្រូវបានគេដាក់ងារថា #ស្តេចនំដូណាត់។
#ចំនុចដែលខ្ញុំចូលចិត្ត💕
ចំនុចទី១គឺជាជីវិតស្នេហាដ៏អស្ចារ្យ និងភាពក្លាហានក្នុងយុវវ័យរបស់គាត់ ដែលខ្ញុំស្ទើរតែមិនជឿថាវាជារឿងរ៉ាវពិតកើតឡើងនាសម័យនោះ។ ព្រោះតែក្តីស្រឡាញ់ យុវជនតឹក ង៉ូយ ហ៊ានធ្វើរឿងជាច្រើនដែលយើងមិននឹកស្មានដល់។ ហើយភាពក្លាហាននោះហើយដែលជាបុគ្គលិកលក្ខណៈធ្វើឲ្យគាត់ក្លាយជាមនុស្សជោគជ័យម្នាក់ ។
ចំនុចទី២ គឺជាការបង្ហាញនូវកំហុសឆ្គងក្នុងជីវិតរបស់គាត់។ សៀវភៅភាគច្រើននិយាយតែចំនុចល្អ និងភាពជោគជ័យប៉ុណ្ណោះ តែសៀវភៅនេះបែរជាហ៊ានគាស់កកាយនូវចំនុចអាក្រក់របស់គាត់ទៅវិញ ដែលនេះជាភាពស្មោះត្រង់ និងជាមេរៀនដ៏មានតម្លៃសម្រាប់អ្នកអានក្នុងការស្វែងយល់និងជៀសវាង។
ចំនុចទី៣ គឺជាទឹកចិត្តស្នេហាជាតិ និងជនរួមជាតិរបស់គាត់ ដែលបានបំផុសចិត្តខ្ញុំឱ្យសួរខ្លួនឯងថា តើខ្ញុំគួរធ្វើអ្វីខ្លះដើម្បីជាតិខ្ញុំ? សូម្បីតែគាត់ពេលនោះពុំបានរស់នៅលើទឹកដីកំណើត តែគាត់មិនដែលបំភ្លេចកន្លែងដែលគាត់កើតទេ រឹតតែមិនបំភ្លេចជនរួមជាតិរបស់គាត់។ ចុះយើង?
#ចំណាប់អារម្មណ៍✨
សម្រាប់ខ្ញុំ វាមិនមែនជាខ្សែរឿងធម្មតាទេ តែជាជីវិតដែលមានគ្រប់រសជាតិ និងជាមេរៀនមួយដែលយុវជនខ្មែរគួរដឹង មិនថាជាការលះបង់ចំពោះស្នេហា ការតស៊ូជំនះភាពក្រីក្រក្នុងនាមជាជនអន្តោប្រវេសន៍ ការធ្វើជំនួញពីបាតដៃទទេក្នុងទឹកដីថ្មី កំហុសឆ្គងក្នុងជីវិតដែលមិនអាចបំភ្លេចបាន ការបែកបាក់ក្រុមគ្រួសារដែលមិនអាចជួបជុំវិញ និងសេចក្តីស្នេហាចំពោះជនរួមជាតិដែលមិនសាបសូន្យ។
$3.50
$42
$25
$4.50
$6
$8
$15
$12
$4.50 $7.50
$3
$5