ផ្នែកបេឡាករ

ការពិពណ៌នា

• ប្រភេទ​ការងារពេញម៉ោង
• បទពិសោធន៍1 ឆ្នាំ+
• ប្រាក់ខែអប្បបរមា$250+

1.គ្រប់គ្រងសាច់ប្រាក់ដែលត្រូវបានបើកពីទូដែកសម្រាប់ប្រតិបត្តិការប្រចាំថ្ងៃ និងធានាថាមានសាច់ប្រាក់គ្រប់គ្រាន់ដើម្បីបំពេញតម្រូវការប្រតិបត្តិការ។ ប្រសិនបើសមតុល្យសាច់ប្រាក់លើសពីការកំណត់ ចាត់វិធានការផ្ទេរត្រឡប់ទៅក្នុងទូដែកវិញដើម្បីចៀសវាងហានិភ័យ។
2.រៀបចំ ចាត់ចែង និងព្យាករសាច់ប្រាក់សម្រាប់ការប្រើប្រាស់នៅក្នុងប្រតិបត្តិការប្រចាំថ្ងៃរបស់សាមីសាខា ស្របតាមគោលការណ៍រតនាគា ឲ្យបានត្រឹមត្រូវ និងទាន់ពេលវេលា។
3.គ្រប់គ្រងប្រតិបត្តិការសាច់ប្រាក់ក្នុងសាខាឲ្យបានទាន់ពេលវេលា និងត្រឹមត្រូវ ស្របតាមគោលការណ៍របស់គណនេយ្យ និងហិរញ្ញវត្ថុ។
4.ធានាអោយបាននូវប្រតិបត្តិការទាន់ពេលវេលា និងត្រឹមត្រូវ ដើម្បីបំពេញតម្រូវការអតិថិជន។
ធានានូវការប្រើប្រាស់ថវិកាចំណាយ លើប្រតិបត្តិការផ្សេងៗក្នុងសាខាឲ្យបានត្រឹមត្រូវ ដោយអនុលោមតាមផែនការថវិកា។
5.ផ្ទៀងផ្ទាត់រាល់ឯកសារយោងទាំងអស់ ដែលត្រូវបញ្ចេញទុនឲ្យបានហ្មត់ចត់ ត្រឹមត្រូវ ច្បាស់លាស់មុនពេលបញ្ចេញទុកទៅឲ្យអតិថិជន។
6.ផ្តល់សេវាកម្មឆ្លើយតប និងផ្តល់ដំណោះស្រាយជូនអតិថិជនទាន់ពេលវេលា ត្រឹមត្រូវ សមស្របតាមនីតិវិធី និងជំនាញវិជ្ជាជីវៈ ប្រកបដោយក្រមសីលធម៌ និងសុជីវធម៌។
7.ជូនដំណឹងដល់អតិថិជនឲ្យបានត្រឹមត្រូវ និងទាន់ពេលវេលា អំពីផលិតផល និងសេវាកម្មថ្មីរបស់គ្រឹះស្ថាន។
ប្រកាសអំពីសេវាកម្មថ្មីរបស់គ្រឹះស្ថាន ប្រតិបត្តិការប្រាក់ចេញ ចូលប្រចាំថ្ងៃ ចូលទៅក្នុងប្រព័ន្ធគ្រប់គ្រងគណនេយ្យឲ្យបានត្រឹមត្រូវ និងទាន់ពេលវេលា។
8.ប្តូររូបិយប័ណ្ណឱ្យបានត្រឹមត្រូវ និងទាន់ពេលវេលាជាមួយនឹងអត្រាកំណត់ដោយអាជ្ញាធរមានសមត្ថកិច្ច។
សាច់ប្រាក់ដែលទទួលបានពីអតិថិជន និងភ្នាក់ងារឥណទាន ត្រូវពិនិត្យ ផ្ទៀងផ្ទាត់ រាប់ឲ្យបានត្រឹមត្រូវ គ្រប់ចំនួនតាមអត្រាប្តូររូបិយប័ណ្ណ ដើម្បីចៀសវាងការក្លែងបន្លំរូបិយប័ណ្ណ សមស្របតាមនីតិវិធីគ្រប់គ្រងសាច់ប្រាក់ និងគោលការណ៍ឥណទាន។
9.ត្រួតពិនិត្យ និងផ្ទៀងផ្ទាត់របាយការណ៍អតិថិជនបង់ប្រាក់តាមរយៈភ្នាក់ងារវីង ជាមួយប្រព័ន្ធMorakot VB ឲ្យបានត្រឹមត្រូវ និងទាន់ពេលវេលា ស្របតាមនីតិវិធីគ្រប់គ្រងសាច់ប្រាក់ និងគោលការណ៍ឥណទាន។
10.រក្សាអនាម័យ និងរៀបចំបរិវេណបំពេញការងារឲ្យមានរបៀបរៀបរយ សណ្តាប់ឌ្នាប់ជានិច្ច។
11.រៀបចំ និងពិនិត្យឡើងវិញនូវសាច់ប្រាក់ជាក់ស្តែងនៅក្នុងដៃ ធៀបទៅនឹងរបាយការណ៍រាល់ចុងបញ្ចប់នៃថ្ងៃ (after closing entry) និងវេចខ្ចប់ប្រាក់ជូនប្រធានគណនេយ្យករសាខាឱ្យបានត្រឹមត្រូវ និងទាន់ពេលវេលា ដើម្បីរៀបចំដាក់ចូលទូដែករបស់គ្រឹះស្ថាន។
12.រាយការណ៍ភ្លាមៗទៅកាន់ថ្នាក់គ្រប់គ្រងផ្ទាល់ អំពីបញ្ហាដែលបានកើតឡើង និងភាពមិនប្រក្រតីទាំងអស់នៅក្នុងប្រព័ន្ធគណនេយ្យ ដើម្បីស្វែងរកដំណោះស្រាយឲ្យបានទាន់ពេលវេលា។
13.បំពេញមុខងារដទៃផ្សេងទៀតដែលចាត់តាំងដោយគណៈគ្រប់គ្រងសាខាផ្ទាល់។