ប្រធានសិក្សាធិការផ្នែកភាសាខ្មែរ : 3 នាក់បន្ទាន់

Job Responsibility: ដើម្បីឱ្យការងារគ្រប់គ្រងនៅតាមសាខាទទួលបានជោគជ័យ និងប្រកបដោយប្រសិទ្ធភាពខ្ពស់ របស់នាយករង/នាយិការង/ប្រធានសិក្សាធិការផ្នែកភាសាខ្មែរ ត្រូវមានភារកិច្ចដូចខាងក្រោម៖ ១. ការងាររដ្ឋបាល • ជួយក្នុងការអភិវឌ្ឍន៍ ក្នុងសាខា ចេះចង់បានឱ្យសាខារបស់ខ្លួនមានសោភ័ណភាពល្អជានិច្ច • រៀបចំកម្មវិធីសិក្សា ប្រចាំខែ ឆ្នាំ ជូនដល់លោកគ្រូ អ្នកគ្រូ តាមកម្រិតថ្នាក់ • បែងចែកកាលវិភាគប្រចាំសប្តាហ៍តាមកម្រិតថ្នាក់នីមួយៗ • រៀបចំវិញ្ញាសាប្រឡងផ្សេងៗ ជូនលោកគ្រូ អ្នកគ្រូ • ជាជំនួយការរដ្ឋបាលរបស់នាយក/នាយិកាប្រតិបត្តិសាខា៖ - ពិនិត្យនិងណែនាំពីរដ្ឋបាលថ្នាក់ និងរៀបចំឯកសារផ្សេងៗ - ទទួលរៀបចំលិខិតស្នាម ចេញ ចូលឱ្យមានសណ្តាប់ធ្នាប់ - រៀបចំបរិស្ថានឱ្យមានសោភ័ណភាព និងមានអនាម័យជាប្រចាំ - បង្កើនការរៀបចំបរិស្ថាន មានសួនជីវចម្រុះ នៅក្នុងបរិវេណសាលារៀនឱ្យមានពណ៌បៃតងស្រស់ស្អាតជានិច្ច - ត្រួតពិនិត្យ និងបូកសរុបរបាយការណ៍ផ្សេងៗ ២. ការងារគ្រប់គ្រង • គ្រប់គ្រងលើការបង្រៀននិងរៀនឱ្យមានប្រសិទ្ធភាព • ជម្រុញការអភិវឌ្ឍបណ្ណាល័យ ឱ្យទាន់សម័យ • ជម្រុញការប្រើប្រាស់បន្ទប់ពិសោធន៍ និងសម្ភារឧបទេសឱ្យបានសម្បូរបែប • អនុវត្តតាមផែនការ របស់នាយក/នាយិកាប្រតិបត្តិសាខា • អនុវត្តតាមផែនការ របស់ការិយាល័យកណ្តាល • តំណាងនាយក/នាយិកាប្រតិបត្តិសាខា ក្នុងកិច្ចប្រជុំ និងព្រឹត្តិការណ៍នានា • ត្រួតពិនិត្យនិងវាយតម្លៃលទ្ធផលសិក្សារបស់សិស្ស (ខែ ឆមាស ឆ្នាំ) • ត្រួតពិនិត្យលើកំណាន់បញ្ជីរបស់លោកគ្រូ អ្នកគ្រូ រួចចុះហត្ថលេខា • តាមដានវឌ្ឍនភាព និងអាកប្បកិរិយារបស់សិស្ស (ចំណេះដឹង សីលធម៌ វិន័យ និងអនាម័យ) • ពង្រឹងវិន័យ សីលធម៌ ដល់សិស្សានុសិស្ស • ត្រូវធ្វើតេស្ត ចុះឈ្មោះសិស្សឱ្យត្រូវតាមអាយុ និងសមត្ថភាព ៣. ការងារបច្ចេកទេស • ធ្វើផែនការចុះអធិការកិច្ច • ចុះអធិការកិច្ចមើលការបង្រៀន និងរៀន ដើម្បីពង្រឹងគុណភាពគ្រូ • ផ្តល់ការបឹក្សាគរុកោសល្យដល់លោកគ្រូ អ្នកគ្រូ • ដឹកនាំការងារបច្ចេកទេសដល់លោកគ្រូ អ្នកគ្រូ • ជម្រុញការផលិតសម្ភារឧបទេសដើម្បីបម្រើឱ្យការបង្រៀន និងរៀន • ត្រូវផ្ដល់សម្ភារឧបទេសដល់គ្រូឱ្យបានគ្រប់គ្រាន់ • ត្រួតពិនិត្យ លើសៀវភៅបញ្ជីហៅឈ្មោះ ពិន្ទុ និងសៀវភៅតាមដានការសិក្សារបស់សិស្ស • ដឹកនាំការប្រជុំបច្ចេកទេសដល់លោកគ្រូ អ្នកគ្រូ • រៀបចំការបណ្តុះបណ្តាលវិធីសាស្ត្រ និងបច្ចេកទេសបង្រៀនដល់លោកគ្រូ អ្នកគ្រូ • ត្រូវចូលរួមរាល់ការប្រជុំដែលរៀបចំដោយការិយាល័យកណ្តាល ៤. ការងារទំនាក់ទំនង • ត្រូវមានទំនាក់ទំនងល្អជាមួយអតិថិជន និងអ្នកអាណាព្យបាលសិស្ស • ត្រូវមានទំនាក់ទំនងល្អជាមួយសិស្ស គ្រូ និងបុគ្គលិកគ្រប់ផ្នែក • ត្រូវមានទំនាក់ទំនងល្អជាមួយអាជ្ញាធរអប់រំគ្រប់លំដាប់ថ្នាក់ • ត្រូវមានទំនាក់ទំនងល្អជាមួយអាជ្ញាធរដែនដី • ត្រូវដោះស្រាយបញ្ហាផ្ទាល់ដែលកើតឡើងក្នុងទំនួលខុសត្រូវរបស់ខ្លួន • ជួយសម្របសម្រួលរាល់វិវាទឬបាតុភាពដែលកើតមានរវាងគ្រូនិងគ្រូ គ្រូនិងសិស្ស សិស្សនិងសិស្ស អាណាព្យាបាលសិស្សនិងសាលា • ត្រូវរាយការណ៍ជូននាយក/នាយិកាប្រតិបត្តិសាខា នូវរាល់បញ្ហាដែលកើតឡើង ៥. ការជ្រើសរើស និងបណ្តុះបណ្តាលបុគ្គលិក • មានភារកិច្ចជាអ្នកជ្រើសរើសគ្រូបង្រៀននៅក្នុងសាខាតាមតម្រូវការជាក់ស្តែង • ត្រូវពន្យល់ និងណែនាំដល់បេក្ខជនឱ្យបានច្បាស់អំពីគោលការណ៍របស់សាលា និងការងារដែលគាត់ត្រូវធ្វើ មុនចុះកិច្ចសន្យាការងារ • ក្រោយពេលជ្រើសរើសបុគ្គលិកបានហើយ ត្រូវបំប៉នពួកគាត់ឱ្យមានសមត្ថភាពបំពេញការងារប្រកបដោយគុណភាព • ត្រូវបន្តបំប៉នសមត្ថភាពបុគ្គលិកបន្ថែមរៀងរាល់ខែ ដើម្បីឱ្យពួកគាត់មានគុណវុឌ្ឍិ • បំប៉នបច្ចេកទេសផលិតសម្ភារឧបទេសដល់បុគ្គលិកក្រោមឱវាទ ឱ្យពួកគាត់មានសមត្ថភាពអាចផលិត និងប្រើប្រាស់ត្រូវតាមខ្លឹមសារមេរៀន • ត្រូវតែដោះស្រាយរាល់សំណើសុំសម្ភារឧបទេសរបស់បុគ្គលិកឱ្យបានទាន់ពេលវេលា ដើម្បីបម្រើឱ្យការបង្រៀន និងរៀនប្រកបដោយប្រសិទ្ធភាព • ត្រូវធ្វើការស្នើសុំជំនួយបច្ចេកទេសមកកាន់ការិយាល័យសិក្សា ក្នុងករណីចាំបាច់

ព័ត៌មានទំនាក់ទំនង: សូមកុំភ្លេចនិយាយថាអ្នកបានឃើញការផ្សព្វផ្សាយនេះនៅលើ ខ្មែរ២៤។

081246xxx ចុចដើម្បីតេ